Պատկերացրեք՝ Հայաստան այցելելիս ձեռքի տակ ունեք անձնական ուղեցույց, որի մեջ ներկայացված են պատմամշակութային հուշարձաններ, տեսարժան վայրեր և բառապաշար, որն օգտակար է զբոսաշրջիկներ համար։
Շատ զբոսաշրջիկներ աշխարհի տարբեր երկրներից ժամանում են Հայաստան։ ՀԲԸՄ հայկական վիրտուալ համալսարանը (ՀՎՀ) հայագիտության տարածման և երկիրը բացահայտելու նպատակով հրատարակել է ՀՎՀ-ի մուլտիմեդիա էլեկտրոնային գրքերը, որոնք արդեն ունեն ավելի քան 40,000 ընթերցողներ։
2014 թվականին «Հայկական լեռնաշխարհ» մուլտիմեդիա էլեկտրոնային գրքի հրապարակումից հետո ՀՎՀ-ն առաջարկել է նոր մոտեցում հայագիտության ուսումնասիրման ոլորտում։ Որպես նորարարական կրթական նախաձեռնություն՝ ծրագիրը ժամանակի ընթացքում վերածվել է թվային հարուստ գրադարանի, որը հնարավորություն է տալիս ծանոթանալ Հայաստանի պատմությանը, մշակույթին, բնաշխարհին և քաղաքային կյանքին։
«Հայկական լեռնաշխարհ» էլեկտրոնային գիրքը համապարփակ ուղեցույց է, որը ներկայացնում է տարածաշրջանի բնաշխարհը, պատմությունն ու մշակութային ժառանգությունը։ Այն տեղեկություններ է պարունակում նաև լեռների, հնագույն վանքերի և հնագիտական հուշարձանների մասին։
Ամենապահանջված հրատարակություններից է «Բացահայտենք Երևանը. հայացք դեպի քաղաքի անցյալը և ներկան» ինտերակտիվ էլեկտրոնային գիրքը, որում ներկայացված է Հայաստանի մայրաքաղաք Երևանի պատմությունը, ճարտարապետությունը, մշակութային և քաղաքաշինական զարգացումը։ Զբոսաշրջիկների համար նախատեսված ուղեցույցում ներառված են նաև քաղաքային զբոսանքների և արշավների երթուղիներ, որոնց միջոցով կարելի է առավել արդյունավետ կազմակերպել այցելությունը։
Հաջորդը «Վայոց ձոր» էլեկտրոնային գիրքն է, որում ներկայացված են Վայոց ձորի մարզի պատմամշակութային հուշարձանները, տեսարժան վայրերը, ավանդույթները, խոհանոցը, փառատոները և արկածային տուրիզմի հնարավորությունները։ Այստեղ կարելի է գտնել անհրաժեշտ բոլոր տեղեկությունները, ինչպես նաև օգտակար խորհուրդներ ուղևորությունը նախապես և ճիշտ ծրագրելու համար:
«Կումայրիից մինչև Գյումրի» էլեկտրոնային գիրքը վիրտուալ ուղեցույց է դեպի Հայաստանի մշակութային մայրաքաղաքը՝ ներկայացնելով քաղաքի պատմությունը և ժառանգությունը։
Բոլոր էլեկտրոնային գրքերը անվճար են և հասանելի են յոթ լեզուներով։
Մուլտիմեդիա էլեկտրոնային գրքերն իրենց ներդրումն ունեն ՀՎՀ-ի գլխավոր առաքելության իրականացման գործում՝ հայկական կրթությունը հասանելի դարձնելով ավելի լայն լսարանի համար։
Եթե ամռանը պատրաստվում եք բացահայտել Հայաստանը, ապա ՀՎՀ-ի էլեկտրոնային գրքերը կարող են դառնալ ձեր ճանապարհորդության լավագույն ուղեցույցը։
Ներբեռնել այստեղ
