login
Յօդուածներ
ՀՀՀ-Ի հիպրիթ դպրոցները նշեցին Մայրենի լեզուի միջազգային օրը 02/25/2022

Մայրենի լեզուի միջազգային օրուան առթիւ ՀՀՀ-ը տեսանիւթով մը համախմբեց աշխարհատարած հիպրիթ դպրոցներու աշակերտները, որոնք արտասանեցին Վահան Թէքէեանի «Տաղ հայերէն լեզուին» բանաստեղծութիւնը: Այս ծրագիրին միացան ուսուցիչներ եւ աշակերտներ՝ ԱՄՆ-էն, Գանատայէն, Լիբանանէն, Յունաստանէն, Սուրիայէն, Քուէյթէն, Ռուսիայէն եւ Հայաստանէն: Անոնք ոչինչ խնայեցին սոյն ծրագիրի յաջողութեան համար:  Մասնակցող վարժարաններն են՝

Հայ Աւետարանական Գոլէճ, Պէյրութ, Լիբանան,
ՀԲԸՄ-ի Արթաքի Գալփաքեան դպրոց, Աթէնք,  Յունաստան,
Հայկական կիրակնօրեայ դպրոց, OANKO, Վլատիքավքազ, Ռուսիա,
Քուէյթի Ազգային Վարժարան, Քուէյթ,
ՀԲԸՄ-ի Նոր Անգլիայի շրջանի հիպրիթ հայկական դպրոց (NEHAS), Ուաթըրթաուն, ԱՄՆ,
 «Արարատ» շաբաթօրեայ դպրոց, Թորոնթօ, Գանատա,
Աղձքի միջնակարգ դպրոց, Արագածոտն, Հայաստան,
ՀԲԸՄ-ի Լազար Նաճարեան-Գալուստ Կիւլպէնկեան Կեդրոնական վարժարան, Հալէպ, Սուրիա:

Տեսանիւթը կրնաք դիտել՝ video:


Մէկ այլ տեսանիւթով մը Ռուսիոյ, Զուիցերիոյ, ԱՄՆ-ի, Գանատայի եւ Աւստրալիոյ հիպրիթ դպրոցներու աշակերտները ներշնչուած Թէքէեանի բանաստեղծութենէն՝ ներկայացուցին իրենց գծած նկարները:  

Մասնակից դպրոցներն են՝ 

NEHAS դպրոցը, Ուաթըրթաուն, ԱՄՆ, 
Թօփալեան հայկական վարժարան, Ժընեւ, Զուիցերիա,
ՀԲԸՄ Ալեք Մանուկեան վարժարան, Մոնթրէալ, Գանատա,
AVC Lab, Տոնի Ռոսթով, Ռուսիա:

Բանաստեղծութիւնը ընթերցեց Հալէպի ՀԲԸՄ-ի Լազար Նաճարեան-Գալուստ Կիւլպէնկեան Կեդրոնական վարժարանէն՝ Կարօ Մէյխանաճեան:  

Տեսանիւթը կրնաք դիտել՝  video
 

Մայրենի լեզուի միջազգային օրուան առթիւ,  ՀՀՀ-ը պատրաստեց արեւելահայերէնով եւ արեւմտահայերէնով տարբեր բացիկներ, որոնք կրնաք ստանալ դիմելով հետեւեալ հասցէին՝  info@avc-agbu.org: