card
login

ԱՐՁԱՆԱԳՐՈՒԵՑԷ՛Ք ԱՆՎՃԱՐ ԱՇՆԱՆԱՅԻՆ ՈՒՍՈՒՄՆԱԿԱՆ ՇՐՋԱՆ 2022

Հայագիտական հիմնական առարկաներ

ՀԱՅԿԱԿԱՆ ՀԱՄԱՑԱՆՑԱՅԻՆ ՀԱՄԱԼՍԱՐԱՆ

Հայկական կրթութիւն՝ միշտ եւ ամէնուր

ՀԱՅԵՐԷՆ ՍՈՐՎԵՑԷՔ՝ ԱՌՑԱՆՑ

Դասընթացքները՝ եօթը լեզուով

ՀԱՅԱՍՏԱՆԸ՝ ՄԻՇՏ ՄԵԶԻ ՀԵՏ

Ել. գիրքեր՝ հարուստ բովանդակութեամբ

ԱՌՑԱՆՑ ԿՐԹՈՒԹԻՒՆ

35,000 աշակերտ

ՀՀՀ-ը հայագիտական նիւթերուն առցանց հետեւելու կարելիութիւնը կ՚ընձեռէ։ Դասընթացքները հասանելի են դասաւանդման եօթը լեզուներով: Ուսումնական ծրագիրերը եւ դասընթացքներու ժամանակացոյցը մշակուած են  նկատի ունենալով ուսանողի կրթական պահանջքները եւ զբաղուածութիւնը:

individual-img
individual-img
individual-img
individual-img
Աւելին՝

ՀԻՊՐԻԹ ԿՐԹՈՒԹԵԱՆ ԾՐԱԳԻՐ

54 դպրոց

Հիպրիթ կրթութիւնը աւանդական եւ առցանց կրթութեան զուգորդումն է:

Դպրոցները եւ համայնքները կրնան որդեգրել ուսուցման այս ոճը՝

հարստացնելով առկայ ծրագիրները։  

hybrid_map
hybrid
hybrid hybrid
Ուսումնասիրել ծրագիրը

ԵԼ. ԳԻՐՔԵՐՈՒ ՇԱՐՔ

33,505 օգտագործող

ՀՀՀ-ի ել. գիրքերը, հարուստ են տարբեր տեսանիւթերով,

3D եւ համատեսական պատկերներով ու փաստերու ժամանակագրութեամբ:

Բացայայտեցէ՛ք Հայաստանը՝ նոր շունչով: Ել. գիրքերը հասանելի են եօթը լեզուներով։

Ել. գիրքերը

ՄԵՐ ԲԱԺԻՆՆԵՐԸ

Մասնակցեցէ՛ք ՀՀՀ-ի առցանց դասընթացքներուն, հետեւեցէ՛ք հայոց լեզուի, պատմութեան, հայկական մշակոյթի  եւ ճատրակի դասերուն, սորվեցէ՛ք հայերէն, ծանօթացէ՛ք հայոց պատմութեանն ու հայկական մշակոյթին եւ ձեռք ձգեցէ՛ք ճատրակային գիտելիքներ։ 

Հայոց լեզու Աւելին՝
Հայոց պատմութիւն Աւելին՝
Հայկական մշակոյթ Աւելին՝
Ճատրակ Աւելին՝

yellow_note

ՀՀՀ-ը ստացած է արտօնագիր ՀՀ կրթութեան,

գիտութեան, մշակոյթի եւ սփորթի նախարարութեան կողմէ:


ԿԱՐԾԻՔՆԵՐ

Մեր ուսանողները եւ շրջանաւարտները՝ իրենց փորձառութեան մասին:
Էրիք Գրիգորեան ՀՀՀ-ի ուսանող Վրաստան

ՀՀՀ-ը հիանալի միջոց մըն է հայերէն լեզուն սորվելու եւ մշակոյթին ծանօթանալու համար։ Հիմա ես հպարտօրէն կը յայտարարեմ, որ հայ եմ, քանի որ կրնամ կարդալ, գրել եւ խօսիլ իմ մայրենի լեզուով

Հալի Պութուին Smithsonian հաստատութիւն, ԱՄՆ

«Վայոց ձոր» ել. գիրքի շնորհիւ պատմական, մշակութային եւ տարբեր տեղեկութիւններու մեծ շտեմարան մը, մատչելի ձեւաչափով, արդէն բոլորին հասանելի է: Յաջորդ անգամ, երբ Հայաստան այցելեմ, անպայման պիտի օգտագործեմ ել. այս գիրքը, որպէսզի Վայոց Ձորի անյայտ վայրերը ինքնուրոյն շրջելու կարելիութիւնը ունենամ։

Ճէնիս Օքումեան ՀՀՀ-ի ուսանող, ԱՄՆ

Ես հայերէն կը սորվիմ, որովհետեւ կ՚ուզեմ հայերէնին տիրապետել եւ աշխարհը տեսնել նոր, տարբեր անկիւնէ։ Առաւել, կ՚ուզեմ սորվիլ այն լեզուն, որով խօսած են իմ մեծ հայրերս եւ հիմա, հայերէն նոր բառեր, արտայայտութիւններ եւ նախադասութիւններ սորվելով կարծես թէ աւելի կը մօտենամ մեծ հայրերուս։

Ժոզէֆ Սիրեն ՀՀՀ-ի ուսանող, ԱՄՆ

Հայկական Համացանցային Համալսարանը ինծի համար փրկութիւն մըն է, քանի որ հայերէն սորվելու միջոցները քիչ են։ ՀՀՀ-ը առիթ տուաւ, որ հայերէն սորվիմ այնպիսի ուսուցիչի մը օգնութեամբ, որուն համար հայերէնը իր մայրենի լեզուն է

Ծովինար Սարգսեան Հիպրիթ ծրագիրի դասախօս, ՀԴՀ, Տոնի Ռոսթով, Ռուսիա

ՀՀՀ-ի հետ աշխատիլը հաճելի է. որպէս ուսուցման տարբերակ առցանց լեզուի դասընթացքը կ'օգտագործեմ:

Դասընթացքի բովանդակութիւնն ու ոճը  ամբողջովին կը բաւարարեն տարիքային տարբեր խումբերու պահանջքը: Դասընթացքին օգտագործուող ել. ուսուցման տարբեր միջոցներու շնորհիւ դասերը աւելի մատչելի են ու հետաքրքրական:

Նիմա Սատաթ-Թեհրանի ՀՀՀ-ի ուսանող, Թորոնթօ, Գանատա

Ամբողջովին կը յանձնարարեմ հետեւիլ Հայկական համացանցային համալսարանի (ՀՀՀ) դասընթացքներուն բոլոր անոնց, որոնք հետաքրքրութիւն ունին այս գեղեցիկ լեզուի հանդէպ:  Արդէն մօտաւորապէս մէկուկէս տարիէ  հայերէն կը սորվիմ հետեւելով ՀՀՀ-ի առցանց դասընթացքներուն: Կրթական բարձր մակարդակը խիստ գնահատելի է:  Խորին շնորհակալութիւն իմ հրաշալի ուսուցչուհիներուս՝ Մարինային եւ Մանէին։

Արամ Շրեստինեան ՀՀՀ-ի ուսանող, ԱՄՆ

ՀՀՀ-ը հայերէն սորվելու եւ հայկական արժէքները բացայայտելու լաւագոյն միջոցն է: Այս դասընթացքներու շնորհիւ ես կրնամ զրուցել Հայաստան ապրող իմ խնամիներուս հետ: Մանէն եւ Մարինան շատ լաւ ուսուցչուհիներ են. անոնք շատ լաւ մարդիկ են: Փափաքս է ուսումս շարունակել, լեզուի գիտելիքներս զարգացնել եւ հայ ազգին օգտակար դառնալ:

Ռիքարտօ  Թորես ՀՀՀ –ի ուսանող, Արժանթին

Ես հայ չեմ: Սպանական եւ իտալական ծագում ունիմ, բայց քանի մը անգամ Հայաստան այցելած եմ: Արեւմտահայերէն կը սորվիմ:  Մասնագիտացուած, կազմակերպուած հաստատութիւն մը ըլլալուն  եւ հայերէնը առցանց սորվելու շատ լաւ հնարաւորութիւն  մը ըլլալուն համար, մեծ ուրախութեամբ կ'առաջարկեմ, որ հետեւիք ՀՀՀ-ի դասընթացքներուն:

Մայք Քանինկհէմ ՀՀՀ-ի ուսանող, ԱՄՆ

ՀՀՀ-ի դասընթացքներուն հաճոյքով  կը հետեւիմ: Կը կարծեմ, որ այս դասընթացքները կեանքս փոխեցին:  Հայաստանի կամ իմ ազգակիցներուս մասին երբեք այսքան տեղեկութիւն չունէի: 

Կը սորվիմ ճիշդ այն, ինչ կ'ուզէի գիտնալ. իրականութեան մէջ շատ աւելին՝ քան ես կ'ակնկալէի: Վերջին տասը տարիներուն առցանց շատ դասընթացքներու հետեւած եմ, սակայն այս դասընթացքը, անկասկած, լաւագոյնն է:



ՅԱՏՈՒԿ ԾՐԱԳԻՐՆԵՐ

Մեր իւրօրինակ ծրագիրները կրթական յատուկ եւ հետաքրքրական հնարաւորութիւններ կը տրամադրեն բոլոր անհատներուն եւ համայնքներուն, իսկ մասնագիտական տարբեր ոլորտներուն՝ հաղորդակցութեան եւ կրթութեան առցանց հարթակ:
Համահայկական կրթական խորհրդաժողով

22-24 Օգոստոս, 2020-ին, Հայկական Համացանցային Համալսարանի (ՀՀՀ) եւ ՀՀ կրթութեան, գիտութեան, մշակոյթի եւ սփորթի նախարարութեան (ԿԳՄՍ) համագործակցութեամբ, առաջին անգամ ըլլալով առցանց կազմակերպուեցաւ երկու տարին մէկ անգամ տեղի ունեցող Համահայկական կրթական խորհրդաժողովը։

ՀՀՀ-ի կրթական հարթակ

«ՀՀՀ-ի կրթական հարթակ» նախագիծը սկիզբ առաւ 26 Մարտ, 2020-ին, COVID-19 –ի ճգնաժամի ընթացքին, արձագանգելով ՀՀ կրթութեան, գիտութեան, մշակոյթի եւ սփորթի նախարարութեան առաջարկին, առցանց կրթութեան հնարաւորութիւնները ընդլայնելու միտումով:

ՀԲԸՄ-ի Տոկունութեան գագաթնաժողով

Նկատի ունենալով աշխարհատարած համավարակի եւ Արցախեան պատերազմի պատճառով հայերուն կրած կորուստներն ու ճնշուած վիճակը, ՀԲԸՄիութիւնը, Հայաստանի Ամերիկեան Համալսարանը (ՀԱՀ) եւ Հոգեկան առողջութեան հայկական նախաձեռնութիւնը (ՀԱՀՆ) համատեղ ջանքերով կազմակերպեցին առցանց գագաթնաժողով մը, նիւթ ունենալով հոգեկան-ընկերային հարցերը եւ զանոնք յաղթահարելու միջոցները: 

Ճատրակի համահայկական համայնք

8-26 Յունիս, 2020-ին, ՀԲԸՄ-ի Հայկական Համացանցային Համալսարանի եւ Հայաստանի Ճատրակի Ակադեմիայի նախաձեռնութեամբ տեղի ունեցաւ Ճատրակի համահայկական առաջին առցանց մրցաշարքը:

Արհեստական բանականութիւն

«Արհեստական բանականութիւն» դասընթացքը նախատեսուած է Հայաստանի երկրորդական վարժարաններու աշակերտներուն: Դասընթացքի նպատակն է աշակերտներուն տրամադրել տեսական գիտելիքներ արհեստական բանականութեան մասին եւ զարգացնել արհեստական բանականութեան համակարգերու կիրառման գործնական հմտութիւնները:Նիւթերը ներկայացուած են հասկնալի ձեւով:

Հեռուստադպրոց

ՀԲԸՄ-ի Հայկական Համացանցային Համալսարանը ՀՀ սփիւռքի նախարարութեան հետ համատեղ ներկայացուց «ՀՀՀ հեռուստադպրոց» նախագիծը, որ հեռարձակուեցաւ Հայաստանի հանրային հեռուստաընկերութեան արբանեակային կապով:

Հայկական առցանց կամուրջ

«Հայկական առցանց կամուրջ» ծրագիրի նպատակն է Հայաստանը կապել միջազգային ճարտարագիտական կեդրոններու հետ, օգտագործելով հայկական գիտական ​​միտքի ուժը եւ սփիւռքի կարողութիւնները:

Օրացոյց




ԳՈՐԾԸՆԿԵՐՆԵՐ


Յետադարձ կապ

Ալեք Մանուկեան 9, Երեւան 0070