Արևմտահայերենի խոսակցական մակարդակ

Արևմտահայերենի խոսակցական մակարդակ - մաս 1

Դասավանդման լեզուներ Անգլերեն, Ֆրանսերեն, Ռուսերեն, Իսպաներեն, Թուրքերեն, Արևելահայերեն

Դասընթացը ստեղծված է այն ուսանողների համար, ովքեր ունեն հայերեն լեզվի գրավորի և բանավորի, ինչպես նաև ընթերցանության իմացության բարձր մակարդակ և ցանկանում են զարգացնել իրենց խոսակցական հմտությունները: Դասընթացը ուսանողներին կօգնի վստահորեն զրույցներ վարել, տեղեկություններ փոխանակել, կարծիք արտահայտել` տալով համապատասխան բացատրություններ, փաստարկներ և մեկնաբանություններ: Ֆորումների օգնությամբ ուսանողներն իրենց մտքերը կարտահայտեն գրավոր:

Ուսումնական շրջանի օրացույց

ՈՒՍՈՒՄՆԱԿԱՆ ՇՐՋԱՆ	ԳՐԱՆՑՄԱՆ ՓՈՒԼ	ԴԱՍԸՆԹԱՑՆԵՐ
Ձմեռ 2023	դեկտեմբեր 2 (ուրբաթ) – դեկտեմբեր 18 (կիրակի), 2022թ.	հունվար 9 (երկուշաբթի) – մարտ 14 (երեքշաբթի)
Գարուն 2023	մարտ 10 (ուրբաթ) – մարտ 26 (կիրակի)	ապրիլ 10 (երկուշաբթի) – հունիս 13 (երեքշաբթի)
Ամառ 2023	հունիս 9 (ուրբաթ) – հունիս 25 (կիրակի)	հուլիս 10 (երկուշաբթի) – սեպտեմբեր 12 (երեքշաբթի)
Աշուն 2023	սեպտեմբեր 8 (ուրբաթ) – սեպտեմբեր 24 (կիրակի)	հոկտեմբեր 10 (երկուշաբթի) – դեկտեմբեր 12 (երեքշաբթի)

Ակնկալվող մասնակցության սանդղակ (ժամեր/շաբաթ)

Նյութեր (ձայնա-, տեսա- և տեքստային)-1 - 2 ժամ
Քննարկումներ-2-3 ժամ
Հարցումներ, առաջադրանքներ - 2-3 ժամ
Շաբաթական ակնկալվող մասնակցություն - 5-8 ժամ

Թեմաները

Ծննդյան օր
Եղանակ
Ճանապարհորդություն
Կրթություն
Մանկություն
Նախասիրություններ
Իմ սիրած քաղաքը
Մշակույթ

Ուսուցման արդյունքները

Դասընթացն ավարտելուց հետո ուսանողները կունենան զարգացած բանավոր խոսք, կկարողանան տարբեր թեմաների շուրջ դեմ առ դեմ զրույցներ վարել հարուստ բառապաշարի օգնությամբ: Ուսանողները կկարողանան հեշտ կողմնորոշվել իրական կյանքի տարբեր իրավիճակներում, արտահայտել սեփական կարծիքները, պատմել պատմվածքներ:

Դասացուցակը

Եթե ընտրել եք մասնակցության կանոնավոր ընթացքը (regular program), ապա ուս. շրջանը կտևի ինը շաբաթ (1 դաս/1 շաբաթ)՝ ներառյալ ծանոթացման շաբաթը: Եթե ընտրել եք մասնակցության երկարատև ընթացքը (slow-mode program), ապա ուս. շրջանը կտևի տասնվեց շաբաթ (1 դաս/2 շաբաթ)՝ ներառյալ ծանոթացման շաբաթը:

Շաբաթ 0

Ծանոթացման շաբաթ
Ուսանողը ծանոթանում է կրթական առցանց տիրույթի, ուսանողի ուղեցույցի հետ, լրացնում է իր նկարագիրը (պրոֆայլ), մասնակցում է ֆորում-քննարկմանը՝ ներկայացնելով ինքն իրեն: Այս ընթացքում ուսանողը ծանոթանում է նաև տեխնիկական պահանջների, հաղորդակցության և կրթական գործիքների հետ, ընտրում է ճիշտ ժամային գոտին՝ ուսման ընթացքում հեռավար դասախոսի հետ կապ հաստատելու համար:

Շաբաթ 1-8

Դաս 1-8
Հարցումներ և առաջադրանքներ

Շաբաթ 4

Միջանկյալ քննություն

Շաբաթ 8

Ավարտական քննություն

Դասընթացի պահանջները և գնահատման կարգը

Ուսանողները պետք է ակտիվորեն մասնակցեն օնլայն քննարկումներին, ֆորումներին, չաթերին, ինչպես նաև, սահմանված ժամկետներում հանձնեն բոլոր առաջադրանքները: Ուսանողները պետք է ծանոթ լինեն և ենթարկվենՀՎՀ-ի ակադեմիական քաղաքականությանը:
Ուսանողների առաջադիմությունը կգնահատվի ամբողջ ուսումնական շրջանի ընթացքում ստացած գնահատականների հիման վրա, ինչը ձևավորվում է հետևյալ սկզբունքներով.

20% -մասնակցություն
20% -առաջադրանքներ
30% -միջանկյալ քննություն
30%-ավարտական քննություն
Գնահատումը կկատարվի տառային մեթոդով համաձայն ՀՎՀ-ի գնահատման քաղաքականության:

Օնլայն ուսուցիչներ

Զեփյուռ Խպլիկյան

Մեթոդաբանությունը

Էլեկտրոնային նյութերը պատրաստված են օգտագործման համար հեշտ և լսարանի համար մատչելի սկզբունքով: Աշխատանքները և օնլայն քննարկումները զուգորդված են պատկերազարդ գրելու հնարավորությամբ, կիրառվում է մասնակիից ընդհանուրին անցնելու մեթոդը: Անհատական և խմբային առաջադրանքների օգնությամբ ուսանողները կկատարեն ճշգրիտ ուսումնասիրություններ և տեղեկատվության փոխանակում: Որքան ուսանողը ներգրավված լինի ուսման մեջ, այնքան արդյունավետ կլինի վերջինս:

Դասընթացի նյութերը

Անհրաժեշտ չէ տպագրել օնլայն նյութերը: Դրանք դասերի մասն են կազմում: Ուսանողներին անհրաժեշտ է կարդալ, լսել, դիտել ամբողջ նյութը և կատարել առաջադրանքները:
Օնլայն նյութերը կազմված են հասարակայնորեն հասանելի մասնագիտական լեզվաբանական գրականության, գիտական ուսումնական ծրագրերի, մասնագիտական ամսագրերում վերջերս տպագրված հրապարակությունների, դպրոցական ուսումնական ծրագրերի հիման վրա: