• Ներածութիւն (հայ երաժշտութեան հիմնական ճիւղերու դասակարգումը եւ ընդհանուր բնութագիրը):
• Հայ ժողովրդական ստեղծագործութիւն, հայ ժողովրդական երաժշտական բանահիւսութիւն կամ հայ երաժշտական ֆոլքլոր:
• Հայ երաժշտական ֆոլքլորի չորս տեսակներու ուսումնասիրութիւնը:
• Աշխատանքային երգեր:
• Ծիսական երգեր:
• Պատմական եւ վիպական երգեր:
• Հայ հոգեւոր երաժշտութեան ձեւաւորումը եւ զարգացումը. պատմական ակնարկ:
• Հայ հոգեւոր երաժշտութեան ժանրերը:

Դասընթացքն աւարտելէ ետք ուսանողը ծանօթացած կ’ըլլայ հայ մշակոյթի երգարուետսին: Ուսանողը գիտելիքներ կ’ունենայ ֆոլքլորի, որպէս գեղարուեստական անհրաժեշտ երեւոյթի, առաջացման, գոյատեւման, զարգացման հիմքերուն եւ հանգամանքներուն մասին: Ուսանողը կարողութիւն կ’ունենայ հայ երաժշտական մշակոյթի հիմնական բաժիններն ու ճիւղերը ճիշդ դասակարգել եւ բնութագրել:

Ուսանողները պէտք է աշխոյժօրէն մասնակցին օն-լայն քննարկումներուն, ֆօրըմներուն, չաթերուն, անհատական եւ խմբային աշխատանքնորուն, ինչպէս նաեւ որոշուած ժամանակացոյցերուն յանձնեն առաջադրանքները: Ուսանողը պէտք է ծանօթանայ եւ ենթարկուի ՀՀՀ-ի Ակադեմիական Քաղաքականութեան հետ:  Ուսանողներու յառաջադիմութիւնը կը գնահատուի ամբողջ ուսումնական շրջանի ընթացքին հաւաքած գնահատականներուն հիման վրայ, որ կը գոյանայ հետեւեալ սկզբունքներով.
20% - մասնակցութիւն
25% - անհատական աշխատանք
25% - խմբային աշխատանք
30% - աւարտական քննութիւն
Ուսանողին աշխատանքը պիտի գնահատուի տառերու ձեւով համաձայն ՀՀՀ-ի Գնահատման Քաղաքականութիւնը:

Ելեկտրոնային նիւթերը պատրաստուած են օգտագործման համար դիւրին եւ լսարանի համար մատչելի սկզբունքով: Աշխատանքներն ու քննարկումները, զորս պիտի վարեն օն-լայն ուսուցիչները, կը նախատեսեն ներգրաւել ուսանողները հայկական ճարտարապետութեան պատմութեան ուրուագիծերը ուսումնասիրելու եւ մանրամասն վերլուծութիւն կատարելու գործընթացքի մէջ: Անհատական եւ խմբային առաջադրանքներու օգնութեամբ ուսանողները պիտի կատարեն ճշգրիտ ուսումնասիրութիւններ` փոխանակելով տեղեկատուութիւնը դասընկերներու հետ:

Օն-լայն դասանիւթերը տպագրելու անհրաժեշտութիւն չկայ: Անոնք դասերու մաս կը կազմեն: Ուսանողները պէտք է կարդան, լսեն, դիտեն ամբողջ նիւթը եւ կատարեն իրենց պարտականութիւնները:
Օն-լայն նիւթերը կազմուած են հասարակայնօրէն հասանելի մասնագիտական գրականութեան, գիտական գրականութեան, ուսումնական ծրագիրներու, հայ եւ օտար հեղինակներուն ուսումնասիրութիւններու, բազմալեզու աշխատութիւններու եւ հրապարակումներու հիման վրայ:
Ելեկտրոնային նիւթերը պատրաստուած են համալսարանական եւ մինչհամալսարանական ուսանողներու, միջնակարգ դպրոցներու, պատմութեան ուսուցիչներու, Հայաստանի եւ Սփիւռքի չափահաս մարդկանց համար:

Երաժշտութեան դասընթացքի բովանդակութիւնը հետեւեալ յայտնի գիտնականներու աշխատութիւններուն հիման վրայ կազմուած է`

• Տոքթ. Մհեր Նաւոյեան (փրոֆէսօր, Երեւանի Պետական Երաժշտական Համալսարան, ՀՀ),
• Տոքթ.Ալինա Փահլեւանեան (փրոֆէսօր, Երեւանի Պետական Երաժշտական Համալսարան, ՀՀ),
• Տոքթ.Արաքսիա Սարեան (փրոֆէսօր, Երեւանի Պետական Երաժշտական Համալսարան, ՀՀ),
• Տոքթ.Տաթեւիկ Շախկուլեան (փրոֆէսօր, Երեւանի Պետական Երաժշտական Համալսարան, ՀՀ):