Երաժշտութեան դասընթացքը հայկական երաժշտութեան պատմութիւնը, երաժշտական մշակոյթի հիմնական տարրերը եւ առանձնայատկութիւնները կ՚ընդգրկէ։ Ուսանողները հայ ժողովրդական երաժշտութեան, գուսանական եւ աշուղական արուեստին կը ծանօթանան: Գիտելիքներ կ՚ունենան հայկական միջնադարեան ծիսական մատեաններու, նոթագրման, 19-րդ դարու հայ երաժիշտներու արուեստի, հայ անուանի երաժիշտներու ազգային, դասական ստեղծագործութիւններու մասին:

Դասընթացքը հարուստ է հայկական երաժշտութեան բազմաթիւ նմոյշներով, ինչպէս նաեւ հայ անուանի խմբավարներու ստեղծագործութիւններով: