Արևմտահայերենի խոսակցական մակարդակ

Արևմտահայերենի խոսակցական մակարդակ - մաս 2

Դասավանդման լեզուներ

Դասընթացը ստեղծված է հայերեն լեզվի բարձր մակարդակ ունեցող ուսանողների համար և նպատակ ունի ամրապնդել նրանց բանավոր և գրավոր խոսքը: Ուսանողները կսովորեն սկսել, զարգացնել և ավարտել զրույցներ, տեղեկություններ փոխանակել, կարծիք արտահայտել` տալով համապատասխան բացատրություններ, փաստարկներ և մեկնաբանություններ: Ֆորումների օգնությամբ ուսանողները գրավոր կարտահայտեն իրենց մտքերը:

Ուսումնական շրջանի օրացույց

ՈՒՍՈՒՄՆԱԿԱՆ ՇՐՋԱՆ	ԳՐԱՆՑՄԱՆ ՓՈՒԼ	ԴԱՍԸՆԹԱՑՆԵՐ
Ձմեռ 2024	դեկտեմբեր 8 (ուրբաթ) – դեկտեմբեր 23 (կիրակի), 2023թ.	հունվար 8 (երկուշաբթի) – մարտ 12 (երեքշաբթի)
Գարուն 2024	մարտ 8 (ուրբաթ) – մարտ 23 (կիրակի)	ապրիլ 1 (երկուշաբթի) – հունիս 4 (երեքշաբթի)
Ամառ 2024	հունիս 7 (ուրբաթ) – հունիս 22 (կիրակի)	հուլիս 1 (երկուշաբթի) – սեպտեմբեր 3 (երեքշաբթի)
Աշուն 2024	սեպտեմբեր 6 (ուրբաթ) – սեպտեմբեր 21 (կիրակի)	հոկտեմբեր 7 (երկուշաբթի) – դեկտեմբեր 10 (երեքշաբթի)

Ակնկալվող մասնակցության սանդղակ (ժամեր/շաբաթ)

Նյութեր (ձայնա-, տեսա- և տեքստային)-1 - 2 ժամ
Քննարկումներ-2-3 ժամ
Հարցումներ, առաջադրանքներ - 2-3 ժամ
Շաբաթական ակնկալվող մասնակցություն - 5-8 ժամ

Թեմաները

Եղանակ
Սպորտ
Նորաձևություն
Գնումներ
Հաղորդակցություն
Մասնագիտություն
Առողջություն
Ավանդույթ

Ուսուցման արդյունքները

Դասընթացի ավարտին ուսանողները կունենան ճիշտ և սահուն բանավոր խոսք, կկարողանան տարբեր թեմաների շուրջ դեմ առ դեմ զրույցներ վարել` օգտագործելով հարուստ բառապաշար, հեշտ կողմնորոշվել իրական կյանքի տարբեր իրավիճակներում, կարտահայտեն սեփական կարծիքները, պատմել պատմվածքներ, ինչպես նաև գրավոր խոսքը կփոխակերպեն բանավորի` ամփոփ կերպով ձևակերպելով իրենց միտքը:

Դասացուցակը

Եթե ընտրել եք մասնակցության կանոնավոր ընթացքը (regular program), ապա ուս. շրջանը կտևի ինը շաբաթ (1 դաս/1 շաբաթ)՝ ներառյալ ծանոթացման շաբաթը: Եթե ընտրել եք մասնակցության երկարատև ընթացքը (slow-mode program), ապա ուս. շրջանը կտևի տասնվեց շաբաթ (1 դաս/2 շաբաթ)՝ ներառյալ ծանոթացման շաբաթը:

Շաբաթ 0

Ծանոթացման շաբաթ
Ուսանողը ծանոթանում է կրթական առցանց տիրույթի, ուսանողի ուղեցույցի հետ, լրացնում է իր նկարագիրը (պրոֆայլ), մասնակցում է ֆորում-քննարկմանը՝ ներկայացնելով ինքն իրեն: Այս ընթացքում ուսանողը ծանոթանում է նաև տեխնիկական պահանջների, հաղորդակցության և կրթական գործիքների հետ, ընտրում է ճիշտ ժամային գոտին՝ ուսման ընթացքում հեռավար դասախոսի հետ կապ հաստատելու համար:

Շաբաթ 1-8

Դաս 1-8
Հարցումներ և առաջադրանքներ

Շաբաթ 4

Միջանկյալ քննություն

Շաբաթ 8

Ավարտական քննություն

Դասընթացի պահանջները և գնահատման կարգը

Ուսանողները պետք է ակտիվորեն մասնակցեն օնլայն քննարկումներին, ֆորումներին, չաթերին, ինչպես նաև, սահմանված ժամկետներում հանձնեն բոլոր առաջադրանքները: Ուսանողները պետք է ծանոթ լինեն և ենթարկվենՀՎՀ-ի ակադեմիական քաղաքականությանը:
Ուսանողների առաջադիմությունը կգնահատվի ամբողջ ուսումնական շրջանի ընթացքում ստացած գնահատականների հիման վրա, ինչը ձևավորվում է հետևյալ սկզբունքներով.

20% -մասնակցություն
20% -առաջադրանքներ
30% -միջանկյալ քննություն
30%-ավարտական քննություն
Գնահատումը կկատարվի տառային մեթոդով համաձայն ՀՎՀ-ի գնահատման քաղաքականության:

Օնլայն ուսուցիչներ

Զեփյուռ Խպլիկյան

Մեթոդաբանությունը

Էլեկտրոնային նյութերը պատրաստված են օգտագործման համար հեշտ և լսարանի համար մատչելի սկզբունքով: Աշխատանքները և օնլայն քննարկումները զուգորդված են պատկերազարդ գրելու հնարավորությամբ, կիրառվում է մասնակիից ընդհանուրին անցնելու մեթոդը: Անհատական և խմբային առաջադրանքների օգնությամբ ուսանողները կկատարեն ճշգրիտ ուսումնասիրություններ և տեղեկատվության փոխանակում: Որքան ուսանողը ներգրավված լինի ուսման մեջ, այնքան արդյունավետ կլինի վերջինս:

Դասընթացի նյութերը

Անհրաժեշտ չէ տպագրել օնլայն նյութերը: Դրանք դասերի մասն են կազմում: Ուսանողներին անհրաժեշտ է կարդալ, լսել, դիտել ամբողջ նյութը և կատարել առաջադրանքները:
Օնլայն նյութերը կազմված են հասարակայնորեն հասանելի մասնագիտական լեզվաբանական գրականության, գիտական ուսումնական ծրագրերի, մասնագիտական ամսագրերում վերջերս տպագրված հրապարակությունների, դպրոցական ուսումնական ծրագրերի հիման վրա: