Առցանց Շրջագայութիւններ Եւ Ընկերա-Մշակութային Ձեռնարկներ

ՀՀՀ-ի ուսանողները, աշխարհի ո'ր ծայրն ալ գտնուին, կրնան մասնակցիլ առցանց շրջագայութիւններուն եւ ընկերա-մշակութային ձեռնարկներուն։ Այդպիսի ձեռնարկներէն կարելի է նշել Հայաստանի թանգարաններու առցանց այցելութիւնը, շրջագայութիւնը՝ Երեւանի փողոցներուն մէջ եւ հայ ազգային տօներու յիշատակումը։

Միջոցառումներուն մասնակից ուսանողներուն կը թուի, թէ իրենք նոյն լսարանի մէջ են: Այս երեւոյթը կը նպաստէ ուսանողներու միջեւ ջերմ յարաբերութիւններու զարգացման: Իւրաքանչիւր ուսումնական շրջանի համար երկու եւ աւելի ընկերա-մշակութային ձեռնարկ նախատեսուած է:

Միջոցառումները նուիրուած են Հայաստանի պատմութեան, մշակոյթին, զբօսաշրջութեան, տնտեսութեան եւ արդի արուեստին:

gafesjian2.png Առցանց Այցելութիւն՝ «Գաֆէսճեան» Արուեստի Կեդրոն
Քասքատ համալիրի «Գաֆէսճեան» Արուեստի Կդրոնը` իր արտաքին աստիճանահարթակներով, ներքին շարժելարանով, պատմական եւ արդի արուեստի նմոյշներով յագեցած բացօթեայ այգիով, տեղւոյն հայերու եւ զբօսաշրջիկներու ամէնէն սիրելի եւ արժէքաւոր վայրերէն մէկն է:
matenadaran.png Առցանց Այցելութիւն` Մատենադարան
Այցելեցէ՛ք Մատենադարան` հայերէն եւ օտարալեզու հնագոյն ձեռագիրներու պահոց-թանգարանը։ Ծանօթացէ՛ք հին ձեռագիր գանձերուն, որոնք դարերով սերունդներ կրթած են` լուսաբանելով պատմութեան, արուեստի, փիլիսոփայութեան եւ շատ այլ բնագաւառներու նուաճումները:
barekendan.png Բարեկենդան
Ժողովրդական աւանդութիւններով հարուստ կրօնական այս տօնը կը նշեն Առաջաւորաց Պահքին նախորդող Կիրակի օրը։ Օնլայն ուսուցիչները տօնը կը նշեն թատերականացուած ձեւով։ Տօնին առնչուած բանաստեղծութիւնները, երգերը, տօնական բաղադրատոմսերը ուրախ տրամադրութիւն կը ստեղծեն։
mnjaxax1.png Մնջախաղի Արուեստն Ու Պատմութիւնը Հայաստանի Մէջ
Հայկական մնջախաղի պատմութեանն ու վերածնունդին եւ հայ կատակերգակներու արքայ՝ Լէոնիդ Ենկիպարեանի արուեստին կրնաք ծանօթանալ ՀՀՀ-ի ուսանողներու կողմէ շատ սիրուած «Մնջախաղ» մշակութային ձեռնարկի ընթացքին:
erebuni_tour.png Առցանց Այցելութիւն՝ Էրեբունի Թանգարան
Ք.ա. 782 թուականին, հին Ուրարտական թագաւորութեան տարածքին, Արգիշտի թագաւորը կառուցած է Էրեբունի ամրոցը։ Էրեբունին Երեւանի նախահայրն է։ Այցելեցէ՛ք Էրեբունի թանգարան, ծանօթացէ՛ք բազմադարեան մշակոյթի ցուցանմոյշներուն եւ Արին բերդի գագաթին` հիացէ՛ք ուրարտացի արքաներու վեհութեամբ:
yerevan_city.png Առցանց Շրջագայութիւն Երեւան Քաղաքի Մէջ
Հինի եւ նորի հակադրութիւնները, Թամանեանի տաղանդը, Աբովեան-Աստաֆեան փողոցէն քալելու ատեն կարօտախտի զգացումը, հոյակերտ կեդրոնը, 'Մոսկուա' շարժասրահի տան քով առաջին հանդիպման յիշողութիւնները… եւ այս բոլոր զգացողութիւնները Երեւանի առցանց շրջագայութեան ընթացքին:
cinema2.png Հայկական Սինեմաթոկրաֆիի Պատմութիւնը
Հայֆիլմի կեդրոնին մէջ նկարահանուած առաջին սեւ-ճերմակ, անխօս «Նամուս» գեղարուեստական ֆիլմէն մինչեւ ժամանակակից նորագոյն ճարտարագիտութեամբ ստեղծուած ֆիլմերը, Խորհրդային Միութեան վերելքէն մինչեւ յետ խորհրդային փլուզում, «Ոսկէ Ծիրան» սինեմայի փառատօնէն մինչեւ քարթուններու աշխարհ` Րէանիմէյշն. ծանօթացէ՛ք հայկական ֆիլմարուեստին:
opera.png Առցանց Շրջագայութիւն Օփերայի Եւ Պալէի Ազգային Ակադեմական Թատրոնի Մէջ
Բացայայտեցէ՛ք Թամանեանի նախագծած գլուխգործոցը: Երեւանի սիրտին մէջ գտնուող օփերայի եւ պալէի ազգային ակադեմական թատրոնն է։ Ունկնդրեցէ՛ք «Ալմաստ» հայկական օփերան, ճախրեցէ՛ք Արամ Խաչատուրեանի պալէի երաժշտութեան ներքոյ եւ իմացէ՛ք Ազատութեան Հրապարակի անկախ ոգին:
arshile_gorkie.png Արշիլ Կորքիի Կեանքը Եւ Արուեստը
Վերացական արտայայտչապաշտութեան (abstract expressionism) հիմնադիր Արշիլ Կորքիի արտասովոր կեանքի պատմութիւնը չի կրնար չհետաքրքրել ուսանողները։ Նկարիչի կտաւներուն գունային խաղը թոյլ կու տայ թափանցել արուեստագէտի ներաշխարհը եւ տեղափոխուիլ իր կորսնցուցած հայրենիքը` պատմական Հայաստան:
genocide.png Հայկական Եղեռնը. Վերապրողներ Եւ Ականատեսներ
Դաժան իրականութիւն. պէտք է յիշել եւ խրատուիլ: Ցեղասպանութեան Թանգարան առցանց այցով կը ծանօթանանք թանգարանի ցուցանմոյշներուն, կ՚այցելենք Ծիծեռնակաբերդ եւ ծաղիկ կը զետեղենք անմեղ զոհերու յիշատակին։ Համալիրի տարածքի խորհրդանշանները մեզ կը ստիպեն լռել՝ սարսափելի անցեալի գիտակցումով:
in_Georgia.png Հայոց Կեանքն ու Գործունէութիւնը՝ Վրաստանի Մէջ
Ճանչնալով հայերու վաստակը, ոչ ոք կրնայ ժխտել անոնց ներդրումը, ոչ ոք կրնայ ուրանալ անոնց մարդասիրութիւնը։ Մանթաշովի, Խաչատուրովի եւ այլ ականաւոր մարդոց անունները միշտ կը յիշուին։ Անոնց դրոշմը, Վրաստանի պատմութեան մէջ, անջնջելի է:
chess.png Ճատրակի Զարմանահրաշ Աշխարհը
Ստուգեցէ՛ք Ձեր տրամաբանութիւնը, ռազմավարութիւնը, մրցակիցի եւ խաղընկերի կարողութիւնները…։ Այցելեցէք ճատրակի զարմանահրաշ աշխարհը, ճատրակի միջազգային վարպետի հետ միասին եւ բացայայտեցէք այս առեղծուածային խաղի գաղտնիքները:
parajanov.png Առցանց Այցելութիւն՝ Սերկէյ Փարաջանովի Տուն-Թանգարան
Ծնած է Վրաստան։ Ապրած եւ բանտարկուած է Ուգրանիոյ մէջ։ Թաղուած է Հայաստան: Ծանօթացէ՛ք հայ մեծանուն արուեստագէտ, ֆիլմի բեմադրիչ՝ Սերկէյ Փարաջանովին եւ «Նռան Գոյնը» ֆիլմին։ Կեանքը գնահատեցէք, ըստ իր ստեղծագործութիւններուն։


Share