• Նամակագրական կապ ունենան իրենց դասընկերներուն հետ եւ հաղորդակցուին քննարկումներու, ֆօրըմներու, չաթի, Skype-ի, ձայնա-տեսահաղորդակցութեան միջոցով։
• Ընթերցեն եւ օն-լայն քննարկեն բնագիրները եւ դասանիւթերը։
• Աշխատին պզտիկ խումբերով եւ անհատապէս` գործածելով օն-լայն միջոցներու ամբողջ համակարգ մը։

Հայկական ճարտարապետութիւնը կը համարուի համաշխարային մշակոյթի բաղկացուցիչ մասը ոչ միայն իր յուշարձաններով, այլեւ համաշխարհային ճարտարապետութեան զարգացման մէջ ունեցած իր դարաստեղծ նշանաւորութեամբ: Հայկական ճարտարապետութեան դասընթացքի երկրորդ մասը բազկացած է 8 դասէ եւ կը ներկայացնէ միջնադարեան, վաղ միջնադարեան եւ նոր ժամանակաշրջանի հայոց ճարտարապետութեան համառոտ նկարագրութիւնը:
Դասընթացքը մատչելի է ուսանողներուն համար: Դասընթացքը հիմնուած եւ զարգացած է Թ. Թորամանեանի տեսակէտերուն հիման վրայ եւ իր հայկական ճարտարապետութեան պատմութեան աշխատութիւններուն, ինչպէս նաեւ ԳԱԱ ակադեմիկոս Վ. Ա. Յարութիւնեանին կողմէ պատրաստուած Հայկական ճարտարապետութեան առաջին դասագիրքին հիման վրայ:

Օն-լայն դասանիւթերը տպագրելու անհրաժեշտութիւն չկայ: Անոնք դասերու մաս կը կազմեն: Ուսանողները պէտք է կարդան, լսեն, դիտեն ամբողջ նիւթը եւ կատարեն իրենց պարտականութիւնները:
Օն-լայն նիւթերը կազմուած են հասարակայնօրէն հասանելի մասնագիտական գրականութեան, գիտական գրականութեան, ուսումնական ծրագիրներու, հայ եւ օտար հեղինակներուն ուսումնասիրութիւններու, բազմալեզու աշխատութիւններու եւ հրապարակումներու հիման վրայ:
Ելեկտրոնային նիւթերը պատրաստուած են համալսարանական եւ մինչհամալսարանական ուսանողներու, միջնակարգ դպրոցներու, պատմութեան ուսուցիչներու, Հայաստանի եւ Սփիւռքի չափահաս մարդկանց համար:

• Ա. Սահինեան, Գառնիի անդիկ կառոյցները, Երեւան, 1988(հայերէն եւ ռուսերէն):
• Ա. Սահինեան, Քսաղի բազիլիկայի կառոյցները, Երեւան, 1955:
• Թ. Թորամանեան, Զուարթնոց, Գագկաշէն, Երեւան, 1984:
• Թ. Թորամանեան, Նիւթեր հայկական ճարտարապետութեան պատմութեան, հատոր 1 եւ 2,Երեւան, 1942 եւ 1948:
• Հ. Խալփախչեան, Հայկական ճարտարապետութիւն, ճարտարապետութեան համընդհանուր պատմութիւն 12 հատորով, հատոր 3, 1966, էջ 197-299(ռուսերէն):
• Հ. Խալփախչեան, Միջնադարեան Հայաստանի աշխարհիկ ճարտարապետութիւնը, Երեւան, 1971 (ռուսերէն):
• Հայկական ճարտարապետութեան պատմութիւն 6 հատորով, հատոր 1, 2 եւ 3, Երեւան, 1996, 2004 եւ 2002:
• Ն. Տոկարսկի, Հայկական ճարտարապետութիւն (4-14-րդ դար), Երեւան, 1961(ռուսերէն):
• Պ. Կունեո, Հայկական ճարտարապետութիւն, հատոր 1 եւ 2, Հռոմ, 1988(իտալերէն)
• Ս. Խ. Մնացականեան, Հայաստանի եւ Բիւզանդիայի խաչագմբեթ յօրինուածքնները 5-7-րդ դար, Երեւան, 1989(ռուսերէն):
• Ս. Խ. Մնացականեան, Հայկական գաւիթներու ճարտարապետութիւնը, Երեւան, 1952 (ռուսերէն):
• Ս. Ս. Մնացականեան, Հայկական վաղ միջնադարեան մեմորեալ յուշարձանները, Երեւան, 1982:
• Վ. Ա. Յարութիւնեան, Հայկական ճարտարապետութեան պատմութիւն, Երեւան, 1992:
• Վ. Ա. Յարութիւնեան, Հայկական յուշարձաններ, Պէյրութ, 1975(հայերէն, անգլերէն, ֆրանսերէն):

Դասընթացքն աւարտելէ ետք ուսանողը ծանօթացած կ’ըլլայ հին միջնադարի եւ զարգացած միջնադարի, ինչպէս նաեւ նոր ժամանակաշրջանի հայկական ճարտարապետութեան եւ պատմական կոթողներուն հետ: Ուսումնասիրելով տարբեր դարաշրջանները` ուսանողները կը տեսնեն իւրաքանչիւր պատմական շրջանին տեղի ունեցած ճարտարապետական զարգացումները:

• Հայկական ճարտարապետութեան միջնադարեան դպրոցները;
• Հին միջնադարի հայկական ճարտարապետութիւնը;
• Նոր ժամանակաշրջանի քաղաքականութիւնը եւ ճարտարապետութիւնը;
• Խորհրդահայ ճարտարապետութեան հիմադրման փուլերը եւ Երկրորդ համաշխարհային պատերազմի ժամանակ 1920-1945թթ.;
• Հայկական ճարտարապետութիւնը Երկրորդ համաշխարհային պատերազմի աւարտէն մինչեւ Հայաստանի անկախութիւնը;
• Հայկական ճարտարապետութիւնը անկախութեան ժամանակ;
• Հայկական գաղթավայրերու ճարտարապետութիւնը:

Ելեկտրոնային նիւթերը պատրաստուած են օգտագործման համար դիւրին եւ լսարանի համար մատչելի սկզբունքով: Աշխատանքներն ու քննարկումները, զորս պիտի վարեն օն-լայն ուսուցիչները, կը նախատեսեն ներգրաւել ուսանողները հայկական ճարտարապետութեան պատմութեան ուրուագիծերը ուսումնասիրելու եւ մանրամասն վերլուծութիւն կատարելու գործընթացքի մէջ: Անհատական եւ խմբային առաջադրանքներու օգնութեամբ ուսանողները պիտի կատարեն ճշգրիտ ուսումնասիրութիւններ` փոխանակելով տեղեկատուութիւնը դասընկերներու հետ: