Դասընթացքի անուանումը եւ թիւը
Al 111: Տարրական արեւելահայերէն - (արեւմտահայերէն) 3 վարկանիշով

Ուսումնական շրջան
2013թ. Ամառնային ուսումնական շրջան
Յուլիս 1- Սեպտեմբեր 3

Ակնկալուող մասնակցութեան սանդղակ(Ժամեր/շաբաթ)

Նիւթեր (ձայնա- տեսա- եւ թեքսթային)	1-2  Ժամ
Քննարկումներ	2-3 Ժամ
Առաջադրանքներ	2-3 Ժամ
Ակնկալուող շաբաթական զբաղուածութիւն	5-8 Ժամ

Մասնակիցները պէտք է`

• Նամակագրական կապ ունենան իրենց դասընկերներուն հետ եւ հաղորդակցին քննարկումներու, ֆօրըմներու, չաթի, Skype-ի, ձայնա-տեսաքոնֆերանսի միջոցով.
• ընթերցեն եւ օն-լայն քննարկեն թեքսթերը եւ դասանիւթերը.
• Աշխատին փոքր խումբերով եւ անհատապէս` գործածելով օն-լայն միջոցներու ամբողջ համակարգ մը.

Դասընթացքի նկարագրութիւնը եւ նպատակները
Արեւելահայերէնի դասընթացքը հնարաւորութիւն կու տայ ուսանողներուն բազմաթիւ բառեր սորվելու եւ այդ բառերով զանազան նախադասութիւններ կազմելու: Միեւնոյն ատեն անոնք կարելիութիւն կ’ունենայ անսխալ գրելու` սորվելով ուղղագրական որոշ կանոններ: Ուսանողները նաեւ հնարաւորութիւն կ’ունենան կարդալու տարբեր երկխօսութիւներ եւ բնագիրներ: Իսկ իւրաքանչիւր դասի ավարտին կը կատարեն ուսուցողական վարժութիւններ:

Դասընթացքի գրականութեան ցանկը
Ն. Այվազեան.  Առաւել գործնական քերականական եզրերու բառարան, հայերէն, ռուսերէն, անգլերէն: Երեւան 2000
Ս. Գալստեան.  Ուսումնական  ձեռնարկ. Արտասահմանեան  քաղաքացիներու  նախապատրաստական  ֆակուլտետներու  համար: Երեւան 1968
Ս.Գալստեան եւ Գրիգոր Գարէքինեան: Հայերէն զրուցարան: Երեւան 1990

Ուսուցման արդիւնքները
Արեւելահայերէնի սկսնակներ դասընթացքը աւարտելէ ետք, ուսանողները սորված կ’ըլլան բազմաթիւ բառեր հնարաւորութիւն ունենալով այդ բառերը կարդալու, անսխալ գրելու եւ արտասանելու: Նաեւ դասի ընթացքին ուսանողները կը կազմեն պարզ եւ կարճ տարբեր նախադասութիւններ իսկ կարդալով իւրաքնչիւր դասի երկխօսութիւնը, հասկնալի ձեւով կ’արտայայտեն իրենց միտքերը:

Դասընթացքի բովանդակութիւնը

• Նիւթի մը շուրջ բառեր, գոյականներ, ածականներ, գոյականով եւ ածականով կազմուած նախադասութիւններ, երկխօսութիւն
• Նիւթի մը շուրջ բառեր, գոյականներ,հարցական դերանուններ, թուականով եւ գոյականով կազմուած նախադասութիւններ, երկխօսութիւն
• Նիւթի մը շուրջ բառեր, գոյականներ, յօդեր, անձնական դերանուն, դերանունով եւ գոյականով կազմուած նախադասութիւններ, բնագիր
• Նիւթի մը շուրջ բառեր, բայ, անձնական դերանուն, դերանունով եւ բայով կազմուած նախադասութիւններ, բնագիր
• Նիւթի մը շուրջ բառեր, գոյականներ, ածականներ, ժխտական նախադասութիւններ, երկխօսութիւններ
• Նիւթի մը շուրջ բառեր, բայեր, ներկայ ժամանակի դրական եւ ժխտական խոնարհումը, նախադասութիւններ, բնագիր
• Նիւթի մը շուրջ բառեր, բայեր, անցեալ ժամանակի դրական եւ ժխտական խոնարհումը, ժամանակի մակբայով կազմուած նախադասութիւններ, բնագիր
• Նիւթի մը շուրջ բառեր, ապառնի ժամանակի դրական եւ ժխտական խոնարհումը, հրամայական եղանակ, շաղկապ պարունակող նախադասութիւններ, բնագիր

Դասաւանդման մեթոդաբանութիւնը
Ելեկտրոնային նիւթերը պատրաստուած են օգտագործման համար դիւրին եւ լսարանի համար մատչելի սկզբունքով: Աշխատանքներն ու քննարկումները, զորս պիտի վարեն օն-լայն ուսուցիչները, կը նախատեսեն ներգրաւել ուսանողները պատմական իրադարձութիւններն ուսումնասիրելու եւ մանրամասն վերլուծութիւն կատարելու գործընթացքի մէջ: Անհատական եւ խմբային առաջադրանքներու օգնութեամբ ուսանողները պիտի կատարեն ճշգրիտ ուսումնասիրութիւններ` փոխանակելով տեղեկատուութիւնը դասընկերներու հետ: Այն ուսանողները, որոնք սեփական ներդրում կ’ունենան իրենց ուսման մէջ, աւելի նպաստաւոր   վիճակի մէջ պիտի ըլլան:

Դասընթացքի դասացուցակը
Դասընթացքը կը տեւէ 9 շաբաթ ներառեալ ծանօթացման շաբաթը: Ուսանողին մասնակցութիւնը պիտի ըլլայ իւրաքանչիւր շաբթուայ 5 օրերու ընթացքին:

Շաբաթ 0	Ծանօթացումի շաբաթ Ուսանողները կը ծանօթանան Ուսանողի Ուղեցոյցի հետ, կ’որոշեն իրենց ուսանելու ձեւը` լրացնելով համապատասխան հարցաշարը, կը լրացնեն անձնական թերթիկը, կը ներկայանան իրարու, կը մասնակցին ֆօրըմին, կ’որոշեն այն ժամային գօտին, ուր պէտք է աշխատին: Ուսանողները պէտք է ծանօթանան դասընթացքի ժամանակ անհրաժեշտ հաղորդակցութեան եւ ուսման միջոցներու հետ եւ կիրարկեն զանոնք:
Շաբաթ 1-8	Դաս 1-8 Հարցումներ եւ առաջադրանքներ
Շաբաթ 4	Միջանկեալ քննութիւն
Շաբաթ 8	Աւարտական քննութիւն

 
Դասընթացքի պահանջները եւ գնահատման կարգը
Ուսանողները պէտք է աշխոյժօրէն մասնակցին օն-լայն քննարկումներուն, ֆօրըմներուն, չաթերուն, անհատական եւ խմբային աշխատանքնորուն, ինչպէս նաեւ որոշուած ժամանակացոյցերուն  յանձնեն առաջադրանքները:  Ուսանողը պէտք է ծանօթանայ եւ ենթարկուի ՀՀՀ-ի ակադեմիական քաղաքականութեան հետ:

Ուսանողներու յառաջադիմութիւնը կը գնահատուի ամբողջ ուսումնական շրջանի ընթացքին հաւաքած գնահատականներուն հիման վրայ, որ կը գոյանայ հետեւեալ սկզբունքներով.
20% - մասնակցութիւն
20%- առաջադրանքներ
30%- միջանկեալ քննութիւն
30% - աւարտական քննութիւն

Ուսանողին աշխատանքը պիտի գնահատուի տառերու ձեւով համաձայն ՀՀՀ-ի գնահատման քաղաքականութեանը:

Առաջադրանքները ուշ յանձնելու ժամանակ:
Ուսանողը առաջադրանքները պէտք է ճիշդ ժամանակին յանձնէ, որպէսզի դասէն օգտուի, իսկ ուսուցիչը հնարաւորութիւն ունենայ առաջադրանքը գնահատելու: Ուսանողը եթէ առաջադրանքը սահմանուած օրէն մէկ շաբաթ ուշ յանձնէ, ապա գնահատականը 10%-ով կը պակսի, իհարկէ, եթէ ուսուցիչը նախապէս տեղեկացուցած չըլլայ այդ մասին: Երկու շաբաթ ուշ յանձնուած առաջադրանքը չի գնահատուիր ուսուցիչին կողմէ, այլ միայն կը սրբագրուի:

Արձանագրուելու համար ամբողջացուցէք արձանագրութեան թերթիկը: