Հայկական Համացանցային Համալսարանը (ՀՀՀ) կը շարունակէ իր գործունէութիւնը ընդլայնել նոր նախաձեռնութիւններով , նկատի առնելով ճարտարագիտական վերջին եւ նորագոյն զարգացումները յատկապէս օնլայն ուսուցման մէջ։ Պահպանելով օնլայն ուսուցման միջազգային բարձրագոյն չափանիշները ` ՀՀՀ-ն նաեւ կ’ապահովէ ՀՀ կրթութեան Նախարարութեան կողմէ սահմանուած Հայաստանի Կրթական պահանջները:
Ճատրակի ծրագիրը նախատեսուած է մեծերուն եւ պզտիկներուն համար: Նախագիծը վերջերս Հայաստանի Ճատրակի Ֆետերեցիայի եւ Հայկական Համացանցային Համալսարանի համագործակցութեան շնորհիւ ծնունդ առաւ։ Այն կ’ օժանդակէ նաեւ Հայաստանի կառավարութեանը՝ դպրոցական ուսումնական ծրագիրին մէջ ճատրակը որպէս պարտադիր նիւթ դարձնելով։
2013 թ Յունուար 18-էն 20-ը Հայաստանը Ծաղկաձորին մէջ ՖԻԴԵ-ի նախագահական խորհուրդի (ՆԽ) առաջին նիստը հիւրընկալեց։ Եռօրեայ քննարկումներուն ներկայ էին Հայաստանի Հանրապետութեան Նախագահ Սերժ Սարգսեանը, ՖԻԴԵ - ի նախագահ Կիրսան Իլյումժինովը եւ ճատրակի միջազգային ֆեդերացիայի 24 անդամները, ուր քննարկեցին համաշխարհային ճատրակին պատկանող հարցերը։
Քննարկուած հարցերէն մէկը ՝ 2011թ. ճատրակը նախակրդական դպրոցի մէջ որպէս պարտադիր նիւթ ընդգրկելու յաջող որոշումն էր։ Այդ հանդիպման ժամանակ ՖԻԴԵ - ի նախագահը նշեց ճատրակի ոլորտին մէջ Հայաստանի կատարաց դերին մասին ՝ ներգրավելով այն դպրոցական ուսումնական ծրագիրին մէջ։
Հայաստանի ճատրակի ֆեդերացիայի փոխնախագահ Սմբատ Լպուդեանը խօսեցաւ ճատրակի ոլորտին մէջ ունեցած ձեռքբերումներուն մասին` մէջբերելով ՀՀՀ-ի հետ համագործակցութեան կարեւորութիւնը. “ Աւելի բարձր արդիւնքներու հասնելու համար` մենք ՀԲԸՄ-ի հետ համատեղ սկսանք օնլայն դասընթացքները: Հիմք ընդունելով ՀՀՀ-ի օնլայն դասաւանդման փորձը` մենք փայլուն նուաճումներ ունեցանք տարբեր տարիքային խումբերու մէջ ` ուսուցման տարբեր մեթոտներ կիրառելով:
Նախագիծը ներկայացնելու ժամանակ ի յայտ եկաւ այն փաստը , որ հեղինակները դասերը կազմելու ատեն նկատի առած են տարբեր տարիքաներու հոգեբանական առանձնայատկութիւնները եւ տեսողական միջոցներու ազդեցութիւնը՝ բարձր արդիւնքի հասնելու համար։
“ՀՀՀ-ի փորձը կիրառվեր է , որպէսզի դասերը տեսողական առումով գրաւիչ ըլլան, սորվողը իր ուշադրութիւնը կեդրոնացնէ դասին եւ ուսանողին համար սորվիլը հաճելի եւ դիւրին ըլլայ”, - նշեց Պր. Զօրեանը: Ծրագիրի նպատակն է զարգացնել ուսանողին հմտութիւնները՝ կեդրոնացման , ստեղծագործական եւ ռազմավարական մտածողութիւնը: Ծրագիրը ունի երեք ` սկսնակներ, միջին եւ բարձր, մակարդակ: Ծրագիրը իր առաջին դասընթացը 2013 թ. կը ներկայացնէ:
Ճատրակի այս ծրագիրով Հայկական Համացանցային Համալսարանը եզակի դեր կը խաղայ ՝ զարգացնելով Ճատրակի մշակույթը Հայաստանի եւ ամբողջ աշխարհին մէջ:
Enviar Feedback
