Ո՞վ կարող է գրանցվել:

Ինչպե՞ս կարող եմ գրանցվել:

Ինչպե՞ս կարող եմ մուտք գործել ՀՎՀ միջավայր, եթե արդեն գրանցված եմ:

Ի՞նչ անեմ, եթե մոռացել եմ իմ մականունը կամ գաղտնաբառը:

Ի՞նչ անեմ, եթե դասի էջերում հայերեն տառերը չեմ տեսնում:

ՀՎՀ-ում դասընթացներն ինչպե՞ս են ուսուցանվում:

Ո՞վ է ուսուցանում ՀՎՀ դասընթացները:

Ինչպե՞ս է կազմված ՀՎՀ-ի 2013թ.-ի օրացույցը:

Ուսանողի կարգավիճակը

Ես չեմ կարողանում բացել Word փաստաթուղթը: Ի՞նչ անել:

Ո՞վ կարող է գրանցվել:

Գրանցման համար հատուկ պայմաններ չկան: Ցանկացած տարիքի յուրաքանչյուր անձ, ով հետաքրքրված է հայկական կրթություն ստանալով, կարող է գրանցվել: Դասընթացները նախատեսված են համալսարանի (ավագ դպրոց եւ համալսարան) մակարդակի ուսանողների եւ չափահասների համար: Կարող եք դիպլոմ, համալսարանի կրեդիտ (տես ՀԱՎԱՏԱՐՄԱԳՐՈՒՄ ) ստանալ կամ պարզապես մասնակցել դասընթացին:

Ինչպե՞ս կարող եմ գրանցվել:

Օգտվելով ԳՐԱՆՑՄԱՆ էջից` ներկայացված հայտում լրացրեք անձնական տվյալները: Կարճ ժամանակ անց նամակ կստանաք, որտեղ կգտնեք անհրաժեշտ բոլոր ցուցումները:

Ինչպե՞ս կարող եմ մուտք գործել ՀՎՀ միջավայր, եթե արդեն գրանցված եմ:

Սեղմեք ՄՈՒՏՔ (էջի վերեւի աջ անկյունում) եւ մուտքագրեք ձեր մականունն ու գաղտնաբառը:

Ի՞նչ անեմ, եթե մոռացել եմ իմ մականունը կամ գաղտնաբառը:

ԳՐԱՆՑՄԱՆ դաշտը լրացնելիս ձեր գրանցման անունը եւ գաղտնաբառը կամրագրվեն ՀՎՀ ինֆորմացիոն համակարգում: Եթե մոռացել եք ձեր գաղտնաբառը, մտեք ԳՐԱՆՑՈՒՄ էջը եւ սեղմեք ՙԱյո, օգնեք ինձ մուտք գործել՚, ապա հետեւեք ցուցումներին:

Ի՞նչ անեմ, եթե դասի էջերում հայերեն տառերը չեմ տեսնում:

Այս կամ այլ տեխնիկական խնդիրների դեպքում այցելեք ՏԵԽՆԻԿԱԿԱՆ ՊԱՀԱՆՋՆԵՐ էջ կամ կապ հաստատեք ՏՏ աջակցման կենտրոնի հետ` ITsupport@avc-agbu.org էլ. հասցեով:

ՀՎՀ-ում դասընթացներն ինչպե՞ս են ուսուցանվում:

Համաժամանակյա եւ տարաժամանակյա տեխնոլոգիաների միջոցով վիրտուալ համալսարանը ուսանողներին հնարավորություն կտա նոր նյութեր սովորել` շաբաթական պարբերականությամբ` օգտագործելով մուլտիմեդիա (տեքստային, լսողական եւ տեսողական միջոցներով) դասերը, ինչպես նաեւ դասերի եւ խմբային նախագծերի ժամանակ օնլայն ուսուցչի եւ դասընկերների հետ հաղոդակցվելով: Ի լրումն շաբաթական դասերի` ուսանողները նաեւ ավտոմատացված ուսուցման գործիքներ, խաղեր, հանձնարարություններ, օրացույցներ, դասընթացի նկարագրություններ, խնդիրներ, միջանկյալ եւ ամփոփիչ քննություններ, հանձնարարությունների զետեղման անկյուններ եւ օրագրեր կունենան: Ավելին, քննարկումների ֆորումները, էլեկտրոնային նամակները, չաթերը, աուդիո եւ վիդեո քննարկումները ուսանողներին հնարավորություն կտան ավելի լավ կապ հաստատել իրենց ուսուցչի եւ դասընկերների միջեւ եւ ողջ աշխարհի հայերի հետ ընկերություն հաստատել:

Ո՞վ է ուսուցանում ՀՎՀ դասընթացները:

Մուլտիմեդիա դասընթացների հեղինակները Հայաստանի ճանաչված մասնագետներ են` վերապատրաստված օնլայն կրթության միջազգային մանկավարժ մասնագետների կողմից: Ուսանողներին աջակցում են օնլայն ուսուցիչները, ովքեր ուղղորդում են նրանց, քննարկումների ֆորումներ վարում, պատասխանում ուսանողների հարցումներին եւ գնահատում հանձնարարությունները, նախագծերը, միջանկյալ եւ ամփոփիչ քննությունները:

Ինչպե՞ս է կազմված ՀՎՀ-ի 2013թ.-ի օրացույցը:

2013թ. ունի 4 ուսումնական շրջան:

Ձմեռ 2013
Գրանցում - նոյեմբեր 30 (ուրբաթ) – դեկտեմբեր 16 (կիրակի)
Դասընթացներ – հունվար 7 (երկուշաբթի) – մարտ 12 (երեքշաբթի)

Գարուն 2013
Գրանցում - մարտ 1 (ուրբաթ) – մարտ 17 (կիրակի)
Դասընթացներ - ապրիլ 1 (երկուշաբթի) – հունիս 4 (երեքշաբթի)

Ամառ 2013
Գրանցում - մայիս 24 (ուրբաթ) – հունիս 16 (կիրակի)
Դասընթացներ - հուլիս 1 (երկուշաբթի) – սեպտեմբեր 3 (երեքշաբթի)

Աշուն 2013
Գրանցում - օգոստոս 23 (ուրբաթ) – սեպտեմբեր 15 (կիրակի)
Դասընթացներ - հոկտեմբեր 7 (երկուշաբթի) – դեկտեմբեր 10 (երեքշաբթի)

Ուսանողի կարգավիճակը

Մասնակից ուսանող. Մասնակից ուսանողը գրանցվում է դասընթացին (ներին) և ստանում է երկու կրեդիտ այն հաջողությամբ ավարտելու դեպքում: Նա պետք է ակտիվորեն մասնակցի օնլայն քննարկումներին, ֆորումներին և չաթին, հանձնի շաբաթական հարցումներ, պահպանի առաջադրանքների համար սահմանված ժամկետները, մասնակցի անհատական և խմբային աշխատանքներին ու նախագծերին և հանձնի ավարտական քննություն:

Ունկնդիր. ունկնդիրը չի ստանում կրեդիտներ: Նա պետք է ունենա նույն դասացուցակը, ինչ մասնակից ուսանողը, ակտիվորեն մասնակցի օնլայն քննարկումներին, ֆորումներին և չաթին, հանձնի շաբաթական հարցումներ, պահպանի առաջադրանքների համար սահմանված ժամկետները, մասնակցի անհատական և խմբային աշխատանքներին ու նախագծերին: Ունկնդիրը չի կատարում առաջադրանքներ և չի հանձնում քննություններ: Նա ստանում է անցողիկ/ոչ անցողիկ գնահատական:

Ես չեմ կարողանում բացել Word փաստաթուղթը: Ի՞նչ անել:

Ամենայն հավանականությամբ, Դուք օգտագործում եք MS Word-ի հին տարբերակ, որը չի ճանաչում docx-ի ֆայլերը (MS Word 2007): Որպեսզի կարողանաք կարդալ MS Office 2007 փաստաթղթերը Ձեր համակարգչի վրա պետք է տեղադրեք «Microsoft Office Compatibility Pack for Word, Excel, and PowerPoint File Formats”: Այն կարող եք բեռնել հետևյալ հղումից` http://www.microsoft.com/downloads/en/details.aspx?familyid=941b3470-3ae9-4aee-8f43-c6bb74cd1466&displaylang=en